Во Зоолошката градина во општината Ла Барбен, во јужниот француски регион Буш-ди-Рон, денес се повредени 13 лица, од кои четири деца, откако гром удри „во расчистена област“,пишува „Фигаро“, повикувајќи се на пожарникари и спасувачи.
Едно од повредените лица е од германско потекло, прецизираа истите извори.
Повредените се во релативно сериозна состојба, а двајца претрпеле директен удар од гром.
Ниту едно животно не е повредено, ниту инфраструктурата е оштетена за време на инцидентот, во кој учествувале 46 пожарникари.
Регионот Буш-ди-Рон денес е под портокалова временска тревога поради бури.
© Vecer.mk, правата за текстот се на редакцијата
