Четири земјотреси го погодија Исланд во рок од еден час денес, објави Исландскиот геофизички институт.
Епицентарот на првиот земјотрес, со јачина од 4,0 степени според Рихтеровата скала, кој се случи во 13:11 часот, бил 79 километри југозападно од Рејкјавик на длабочина од 12 километри, соопшти Европско-медитеранскиот сеизмолошки центар.
Земјотрес со интензитет од 2,8 степени според Рихтеровата скала со епицентар во истото подрачје се случи во 13:16 часот. на длабочина од 11 километри.
Потоа, во 14:05 часот, следел земјотрес со магнитуда од 3,7 степени, а четврти земјотрес со магнитуда од 4,1 степен го погодил истото подрачје во 14:07 часот.
Засега нема информации за евентуални жртви или причинета материјална штета.
© Vecer.mk, правата за текстот се на редакцијата
