Најголемата операција за евакуација во Германија од 1945 година беше спроведена денес во Келн, откако три големи неексплодирани американски воздушни бомби беа откриени за време на истражување на почвата во стариот центар на тој град на западот од земјата.
Според соопштението на градската администрација, евакуацијата во радиус од еден километар од местото каде што беа пронајдени бомбите се однесува на околу 20.500 граѓани од стариот град и општината Дојц. Стариот центар на Келн, град со малку повеќе од еден милион жители, се смета за најгусто населена урбана средина во Европа.
Градските власти се надеваат дека експертите за експлозивни направи од Северна Рајна-Вестфалија ќе можат да ги деактивираат бомбите во текот на денот. Станува збор за две воздушни бомби со тежина од по еден тон и една бомба со тежина од 500 килограми.
Градските власти ги посетуваа становите врата по врата и проверуваа дали се празни, а засега, како што објавија медиумите, нема информации за граѓани кои упорно одбиваат да се евакуираат.
Исто така, беа евакуирани бројни институции и бизниси, вклучувајќи една болница, два домови за стари лица, железничката станица Келн Сајмиште/Дојц, градски транспортни станици, девет училишта, бројни градинки и градската филхармонија.
Голем број големи компании, 58 хотели, многу ресторани, музеи и неколку објекти на градската администрација беа исто така погодени.
За евакуираните граѓани кои немаат можност за приватно сместување, се обезбедува привремен сместување на саемот и во стручно училиште.
© Vecer.mk, правата за текстот се на редакцијата
