Германија нема да може да ги префрли своите системи за воздушна одбрана „Патриот“ во Украина бидејќи нема доволно од нив во германската армија, изјави денес германскиот министер за одбрана Борис Писториус.
Во интервју за „Фајненшл тајмс“, тој изјави дека Берлин веќе префрлил три од своите 12 системи „Патриот“ на Киев.
„Сега имаме само шест од нив во Германија. Останатите два се во Полска, а барем еден не е секогаш достапен поради одржување или обука“, рече тој.
Тој посочи дека станува збор за мал број системи, особено кога ќе се земат предвид целите на НАТО за капацитети.
Тој посочи дека за време на претстојните средби со американскиот министер за одбрана Пит Хесгет, ќе разговара за неговиот предлог Вашингтон да му предаде два од своите системи „Патриот“ на Киев.
Писториус, исто така, рече дека Германија нема да ги испорача своите ракети со долг дострел „Таурус“ на Украина, и покрај неодамнешниот низ руски воздушни напади и обновеното барање на Киев за ракетите.
Писториус треба да се сретне со Хегсет денес во Вашингтон, а главна тема на разговорот треба да биде „патната карта“ за американската безбедносна поддршка на Европа.
Да потсетиме, медиумите утрово објавија дека американскиот претседател Доналд Трамп ќе испрати ракети „Патриот“ во Украина, наведувајќи дека на Киев му се потребни за да се одбрани од Русија.
„Рускиот претседател Владимир Путин кажува убави работи, а потоа навечер бомбардира сè“, рече Трамп.
Тој не прецизираше колку ракети ќе бидат испратени во Украина, но посочи дека Европската Унија ќе ги надомести трошоците за ракетите.
© Vecer.mk, правата за текстот се на редакцијата
