Најмалку 20 Палестинци беа убиени, а неколку беа ранети додека чекаа хуманитарна помош во новоотворениот дистрибутивен центар во Рафа во јужниот дел на Појасот Газа, трето утро по ред.
Како што објави агенцијата Ројтерс, повикувајќи се на неколку медиуми во Газа, болниците ги примија телата на убиените, како и на повредените.
Претходно, беше објавено дека 31 лице е убиено во недела наутро, а уште три во понеделник додека чекаа хуманитарна помош во Рафа, според палестинската милитантна група Хамас, сведоци и групи за помош.
Израелската војска и Хуманитарната фондација Газа, која го води местото за дистрибуција на помош, негираа дека имало какво било пукање во областа во тој момент, иако воен претставник рече дека биле испукани истрели за да се предупредат поединци на околу еден километар оддалеченост во недела и повторно во понеделник.
Според Црвениот крст, 179 лица беа ранети и транспортирани во теренската болница во Рафа во недела наутро, а уште 50 во понеделник наутро.
© Vecer.mk, правата за текстот се на редакцијата
