Локациите на Централната разузнавачка агенција на Соединетите Американски Држави во Ирак и Саудиска Арабија беа нападнати со беспилотни летала во последните два дена, соопштија извори запознаени со ситуацијата.
Две беспилотни летала погодија ирачка локација, каде што во тој момент немало присутен американски персонал, објави денес Си-Би-Ес.
Не се пријавени жртви на локацијата во Саудиска Арабија, велат изворите.
ЦИА и саудиската амбасада во Вашингтон не ги коментираа нападите.
Од друга страна, според медиумски извори, се разгледува опцијата ЦИА да ги вооружи ирачките Курди, за чии претставници вчера разговараше американскиот претседател Доналд Трамп.
© Vecer.mk, правата за текстот се на редакцијата
