Американскиот претседател нагласи дека постои можност САД да извршат напад врз нуклеарните постројки на Иран, како и да му изнесат „последен ултиматум“ на Иран, односно го повика Техеран безусловно да се предаде.
„Потоа ќе ги дигнеме во воздух сите нуклеарни работи, ги има насекаде. Можеби ќе го направам тоа, можеби нема. Никој не знае што ќе правам“, рече Трамп.
Техеран мора да се предаде
Едноставно, според него, Техеран мора да се предаде.
„Небото над Иран е целосно под американска контрола, а самата земја останува без одбрана и без систем за воздушна одбрана“, рече Трамп.
Следната недела „ќе биде голема“
Тој рече дека следната недела „ќе биде голема“, без да прецизира што мислел.
„Ништо не е готово додека не заврши. Војната е многу комплицирана работа. Може да се случат многу лоши работи, многу пресврти“, им рече Трамп на новинарите пред Белата куќа.
Тој разговараше со Путин
Тој додаде дека вчера разговарал со рускиот лидер Владимир Путин.
Според неговите зборови, Путин му понудил на Трамп помош во решавањето на конфликтот меѓу Иран и Израел.
Во врска со изгледите за решавање на украинскиот конфликт, Трамп рече дека мисли дека „можеме да го решиме ова“.
© Vecer.mk, правата за текстот се на редакцијата
