Унгарскиот премиер Виктор Орбан денес изјави дека либералниот меѓународен поредок се распаѓа пред очите на сите и дека добата на нациите е дојдена.
Орбан на платформата X изјави дека американскиот претседател Доналд Трамп му го задал последниот удар на либералниот светски поредок. Унгарскиот премиер рече дека промените носат реорганизација, несигурност и опасности.
„Ова е она што нè очекува во наредните години. Меѓународните договори и организации веќе не се одлучувачки. Тие се лавови без заби, кои сè уште рикаат гласно во саваната, но ниедна антилопа повеќе не се плаши од нив“, рече Орбан.
Тој нагласи дека на овие организации не може да се потпре, ниту пак може да им се верува дека ќе помогнат кога е потребно. Орбан изјави дека дошла ерата на билатерални договори, лични односи, интереси и моќ.
„Дојде добата на нациите. Добрата вест е дека почнавме да се подготвуваме на време“, истакна Орбан.
Тој рече дека оние кои денес најгласно плачат покрај, како што изјави, „градите на либералниот светски поредок“ не разбрале, ниту сакале да разберат, што прави Унгарија и зошто.
„Се смееја на унгарската надворешна политика, но знаеме кој ќе се смее последен“, рече Орбан.
Тој рече дека денес Вашингтон, Пекинг, Москва и Истанбул се заинтересирани за успехот на Унгарија.
Орбан изјави дека Будимпешта постигнала и продолжува да постигнува десетици договори со водечките светски сили во областа на трговијата, инвестициите и одбраната и дека овие договори ќе го гарантираат безбедниот развој на Унгарија во новиот светски поредок, кој, според него, наликува на филм за дивиот запад.
„Повторно мир, меѓународно почитување, развој, силна и голема Унгарија - Фидес“, рече Орбан.
© Vecer.mk, правата за текстот се на редакцијата
