Најмалку две лица загинаа денес кога мал авион се урна во станбена зграда во Коршенбрајх, во германската покраина Северна Рајна-Вестфалија, предизвикувајќи пожар во дел од зградата.
Авионот паднал во дворот пред зградата, зафаќајќи дел од фасадата, додека ѕидот на зградата бил тешко оштетен. Полицијата соопшти дека една од жртвите е 71-годишна жена пилот и дека работат на идентификување на другата жртва, пренесува АП.
Од трите лица регистрирани како жители на зградата, двајца не биле присутни во моментот на уривањето и подоцна контактирале со полицијата.
Според „Билд“, авионот се обидел да слета во блискиот Менхенгладбах откако пилотот претходно пријавил проблеми со моторот. Кратко потоа, авионот се урна.
Бројни полицајци, пожарникари и спасувачки служби беа на местото на несреќата, а околностите под кои се случи несреќата сè уште не се разјаснети.
© Vecer.mk, правата за текстот се на редакцијата
