Вечерва на автопатот Канецу во Јапонија се случи верижен судир во кој учествуваа околу 50 автомобили и камиони, при што едно лице загина, а 26 се повредени, од кои пет се во тешка состојба.
Видеата од местото на настанот, објавени на социјалните мрежи, покажуваат силна експлозија што следела по судирот, како и голем пожар, од кој се издигаат црни облаци чад.
Во овој дел од Јапонија, цел ден врне снег, што значително го отежна сообраќајот и придонесе за ризикот од судири.
Властите го затворија автопатот во двата правци неколку часа за да им дозволат на службите за итни случаи да реагираат и да ги евакуираат повредените.
Истражителите во моментов спроведуваат истрага за да ја утврдат причината за несреќата и пожарот.
© Vecer.mk, правата за текстот се на редакцијата
