Кардиналите денес почнуваат да се вселуваат во своите ватикански простории пред почетокот на конклавата и изборот на нов папа по смртта на папата Франциск на 21 април.
Повеќе од две недели по смртта на Франциск, 133 кардинали ќе се соберат утре во Систинската капела на конклава што може да трае со часови, денови или дури месеци.
Кардиналите традиционално престојуваат во пансионот „Санта Марта“ во Ватикан, кој има приватни бањи и услуга во соба во хотелски стил, но нема доволно соби за сите.
Со кардинали од 70 земји од пет континенти, оваа конклава е најголемата досега организирана.
Така, некои кардинали ќе бидат сместени во Санта Марта Векио, блиска зграда која обично се користи за сместување на ватиканските службеници. Тие ќе можат да влегуваат во просториите, кои ќе бидат распределени со ждрепка, од денес до утре наутро пред мисата пред почетокот на конклавата.
Кардиналите се заколнале на тајност, под закана од екскомуникација доколку откријат што се случува на конклавата.
Забрането им е да комуницираат со надворешниот свет сè додека не изберат нов папа.
Ватикан вчера објави дека ќе ги исклучи телефонските сигнали за време на конклавата во зградите, но не и на плоштадот „Свети Петар“.
Кардиналите, кои ќе мора да ги остават своите мобилни телефони на почетокот на конклавата, ќе го информираат светот за својата работа со палење на гласачките ливчиња за да испуштат чад, црн ако нема одлука, бел ако се избере нов папа.
Лекари, возачи, готвачи и чистачи, исто така, положија заклетва на тајност.
© Vecer.mk, правата за текстот се на редакцијата
