Доналд Трамп се обиде да го намали обемот на конфликтот со Илон Маск во кратка изјава за Политико.
„Сè е во ред“, изјави тој за Политико. „Оди одлично, никогаш не било подобро.“
Би-би-си пишува дека Маск и Трамп треба да се слушнат во текот на денот.
Доналд Трамп и Илон Маск, двајцата луѓе со метафорично најгласните мегафони на планетата, се свртеа еден против друг. Несогласувањето се претвори во отворена војна на зборови.
Трамп се закани дека ќе прекине голем број работи што Маск ги има во американската влада - работи што буквално ја напојуваат неговата вселенска програма SpaceX.
„Најлесниот начин да се заштедат милијарди долари во буџетот е да се прекине со Илон - со сите негови субвенции и договори“, објави Трамп со заканувачки тон на неговата платформа Truth Social.
Ако Трамп навистина го сврти државниот апарат против Маск, технолошкиот магнат навистина ќе го почувствува тоа. Акциите на Тесла паднаа за 14 проценти само во четвртокот, а Маск изгуби милијарди.
Но, Маск не останува должен. По нападите на Трамп, тој повика на импичмент на Трамп, го предизвика ефикасно да ја прекине владината поддршка за неговите компании, а потоа одговори со објавување дека го забрзува повлекувањето на капсулите „Драгон“ - на кои НАСА се потпира за испорака на залихи и испраќање астронаути на Меѓународната вселенска станица.
Маск, секако, има речиси неограничени ресурси за контранапад - можеби дури и ќе ги финансира ривалите на Трамп на републиканските прелиминарни избори следната година. Во четврток, тој исто така објави „голема бомба“ - сугерирајќи, без никакви докази, дека името на Трамп е во досиејата на Џефри Епштајн кои сè уште не се објавени.
© Vecer.mk, правата за текстот се на редакцијата
