Француската агенција за цивилно воздухопловство соопшти дека побарала од авиокомпаниите да го намалат бројот на летови на париските аеродроми за 25 проценти на 3 јули, откако била известена за штрајк на контролорите на летање.
Агенцијата во соопштението наведува дека исто така побарала од авиокомпаниите да го намалат бројот на летови од Ница, Бастија и Калви за 50% и од Лион, Марсеј, Монпелје, Ајачо и Фигари за 30%, објави Ројтерс.
„И покрај овие превентивни мерки, се очекуваат прекини и значителни доцнења на сите француски аеродроми“, соопшти агенцијата.
Додадено е дека патниците треба да ги променат своите летови доколку се во можност.
© Vecer.mk, правата за текстот се на редакцијата
