Глобалниот енергетски пазар е во состојба на висок ризик по серијата воени напади во Персискиот Залив. Цената на суровата нафта „Брент“ нагло порасна за пет проценти, достигнувајќи 113 долари за барел, додека американската нафта (WTI) забележа раст од три проценти, искачувајќи се на 105 долари за барел.
Ескалацијата започна по ракетниот напад на Иран врз енергетската инфраструктура на Обединетите Арапски Емирати, при што беше погоден клучниот нафтен центар Фуџаира. Ситуацијата дополнително се влоши по нападите со беспилотни летала врз танкери во близина на стратешкиот Ормутски теснец, што предизвика сериозни нарушувања во глобалното снабдување.
Тензиите го достигнаа врвот кога Техеран упати предупредувачки истрели кон американски воени бродови, додека САД започнаа операција за обезбедување на преминот и помош на заглавените пловила. Централната команда на САД потврди дека првите бродови под американско знаме веќе поминале низ теснецот, во обид повторно да се воспостави слободен проток на енергенси.
© Vecer.mk, правата за текстот се на редакцијата
