Социјалните медиуми се преплавени со видеа и фотографии од бар во Швајцарија каде што најмалку 40 лица загинаа, а повеќе од 115 повредени по експлозија на пиротехника и пожар.
Видео што кружи на социјалните мрежи ги прикажува драматичните моменти на бегство на луѓе од бар зафатен од пламен во елитниот скијачки центар Кран-Монтана.
Видеото ги прикажува паничените гости како се обидуваат да се спасат, додека се слушаат вресоци и владее хаос.
Според сведоштва, некои бегале низ прозорците, додека главниот излез бил целосно блокиран од голем број луѓе.
Се слушаат и морничави вресоци на луѓе кои се обидуваат да си го спасат животот, а на скалите од клубот, луѓе паѓаат додека други одат преку нив.
Потсетуваме дека 47 лица загинаа во експлозија и пожар во бар во швајцарскиот скијачки центар Кран-Монтана, а повеќе од 100 лица беа повредени. Експлозијата се случила околу 1:30 часот по локално време во барот „Le Constellation“. Причината за експлозијата засега е непозната, а се сомнева дека станува збор за пиротехнички средства.
© Vecer.mk, правата за текстот се на редакцијата
