Волстрит го заврши тргувањето без позначајни промени, откако Федералните резерви на САД сигнализираа дека доколку условите дозволат, до крајот на годината е можност двојно намалување на каматните стапки.
Претседателот на ФЕД, Џером Пауел, посочи дека централната банка внимателно го следи влијанието од новите царини и трговските предизвици, пред да донесе конечна одлука за монетарната политика. "Иако постои неизвесност, подготвени сме да реагираме ако инфлацијата се движи согласно очекувањата," рече Пауел.
Инвеститорите остануваат претпазливи, заради растечките геополитички тензии меѓу Израел и Иран, што влијае врз нестабилноста на пазарот на енергенси. Цените на нафтата продолжуваат со осцилации, а пазарите се движат во различни насоки додека не стане појасно какви чекори ќе преземе ФЕД во остатокот од 2025 година.
© Vecer.mk, правата за текстот се на редакцијата
