Најмалку две лица беа убиени, а девет други беа повредени во пукотница во мормонска црква во Мичиген, каде што вооружен човек се упатил кон возило и отворил оган, соопшти локалната полиција.
Нападот во Црквата на Исус Христос на светиите од подоцнежните дни во Гранд Блан, град на 96 километри северозападно од Детроит, се случил за време на неделната миса каде што се собрале стотици луѓе.
Осомничениот, 40-годишен маж, ја запалил црквата. Подоцна бил убиен во размена на оган со полицајци, потврди началникот на полицијата во Гранд Блан, додавајќи дека нема понатамошна закана за јавноста.
Девет лица се повредени во пукотницата, здобиени со прострелни рани и се во стабилна состојба во болница.
Мотивите за нападот се истражуваат.
© Vecer.mk, правата за текстот се на редакцијата
