Медицински скандал поради небрежност и невнимание се случува во болница во пакистанскиот град Таунс, каде што персоналот постојано користел иста игла и шприц, инфицирајќи стотици деца со ХИВ.
Родителите на заразените деца разговарале со Би-Би-Си за овој ужасен случај.
Осумгодишниот Мохамед Амин починал кратко откако му била дијагностицирана ХИВ. Неговата мајка Сугра вели дека имал висока температура и силна болка, а понекогаш, барајќи олеснување, сакал да спие на дожд. „Лежеше таму и страдаше како да беше фрлен во врело масло“, вели таа.
Неговата сестра Асма (10), кратко по неговата смрт дознала дека и таа е ХИВ-позитивна. Нивното семејство верува дека двајцата го добиле вирусот за време на лекувањето во државна болница во Таунс, преку контаминирани игли што се користеле за време на рутинските медицински процедури.
Двајцата се само дел од многу поширок проблем. Вкупно 331 дете во градот биле позитивни на ХИВ помеѓу ноември 2024 и октомври 2025 година. Тоа е алармантно зголемување кое прв го забележал локалниот лекар Гул Кајсрани, кога забележал дека сè повеќе деца доаѓаат кај него со истата дијагноза.
„Речиси сите овие деца биле лекувани во истата болница“, вели тој. Според него, некои родители проговориле за загрижувачките практики. Една мајка рекла дека истиот шприц бил користен кај неколку деца, вклучувајќи и дете кое веќе имало ХИВ. Еден татко тврди дека ги предупредил медицинските сестри за ова однесување, но никој не го сфатил сериозно.
Откако случаите почнале да излегуваат на виделина, властите ветија „голема акција“ и го отпуштија раководството на болницата. Сепак, истрагата на Би-Би-Си откри дека опасните практики продолжиле и месеци подоцна.
© Vecer.mk, правата за текстот се на редакцијата
