Повеќе од 1.000 германски воени возила пристигнаа во Литванија за големи вежби на источното крило на НАТО, објави германската новинска агенција ДПА.
Двата товарни брода транспортираа борбени возила, оклопни возила, воени камиони и друга опрема и персонал од германско пристаниште преку Балтичкото Море до Литванија, членка на Европската Унија и НАТО.
Во Литванија, армијата и возилата ќе учествуваат во големи воени вежби наречени Квадрига 2025, фокусирани на заштитата на балтичкиот регион во кризни и воени услови.
Литванија ќе стане фокус на воениот ангажман на германската армија во наредните години, истакнува ДПА.
Како одговор на променетата безбедносна ситуација во Европа и агресивното однесување на Русија, 45-та оклопна бригада, наречена Литванија, полека се воспоставува во оваа балтичка држава. Таа треба да биде целосно оперативна до 2027 година и да има 5.000 војници.
Литванија се граничи со руската енклава Калининград и сојузникот на Русија, Белорусија.
© Vecer.mk, правата за текстот се на редакцијата
