Винисиус Жуниор повторно предизвика хаос во Мадрид. Незадоволен од неговата замена, тој направи сцена, а потоа се обиде да се тепа со играчите на Барселона. За легендата на клубот, Фернандо Мориентес, таквото однесување од играч е неприфатливо.
„Ова е недостаток на почит кон тренерот. Тој е оној кој ги носи одлуките. Можеш да се лутиш, можеш да го покажеш своето незадоволство, но тоа ќе го сториш следниот ден. За мене, ова е израз на непочитување кон соиграч кој влегува во игра и човек кој е исто така негов соиграч во репрезентацијата. Ова е непочитување кон навивачите, тренерскиот персонал, кон сè..
Едноставно не можеш да реагираш така и да мавташ со рацете. И тоа не само еднаш. И покрај тоа, не седиш на клупата, туку одиш директно во соблекувалната. Тоа е недостаток на почит и заслужува сериозна казна“, рече Мориентес, заклучувајќи:
„Реал Мадрид е над сите играчи. Без разлика што велат, „тоа дете е добро“. Тоа му се случува постојано“, нагласи Мориентес.
Однесувањето на бразилскиот фудбалер е навистина ужасно. Не е ни чудо што противниците и навивачите на другите тимови воопшто не го почитуваат. Очигледно, на легендите на Реал им е доста. Мориентес одлучи јавно да излезе и да го нападне Винисиус Жуниор.
Бразилската ѕвезда е во сенка на фантастичниот Килијан Мбапе оваа сезона. Тој постигна шест гола и пет асистенции во 19 натпревари оваа сезона.
