Иако Англија доминираше во поседот на топката со 79 проценти од времето, Гана успешно го издржа притисокот и обезбеди клучен бод во Групата Л.
Сепак селекторот на Гана, Карлос Кеирош верува дека неговиот тим заслужуваше повеќе.
„Не сум сигурен дека ВАР сè уште функционира на ова Светско првенство. Дали воопшто е активен? Имам сериозни сомнежи бидејќи на Гана не му беше досуден јасен пенал против Англија“, изјави искусниот експерт на прес-конференција.
Тој беше особено огорчен поради ситуацијата на крајот од натпреварот, кога веруваше дека Принс Аду беше фаулиран за најстрогата казна.
„Имавме свои шанси и можам да кажам дека Англија имаше многу среќа. Уште еднаш ВАР отиде на кафе. Секако дека би сакал од време на време да одам на кафе, но ова беше јасен пенал и црвен картон“, рече Кеироз со насмевка.
Селекторот на Гана се обиде да ги ублажи критиките со хумор, свесен за можните дисциплински последици.
„Се извинувам за сарказмот. Ако кажам вакви работи сериозно, веројатно ќе бидам казнет, па се надевам дека разбирате дека се шегувам“, додаде Португалецот.
За време на натпреварот, имаше и вербален судир помеѓу Кеирош и англискиот играч од средниот ред Џуд Белингам.
„Само отидов да му кажам да се смири по тој старт, што лесно можеше да биде втор жолт картон. Тој одговори со лоши зборови и тогаш сè започна“, објасни тренерот, кој учествува на своето петто Светско првенство.
По две кола, двете селекции остануваат во добра позиција за пласман во нокаут фазата.
Во последното коло од групната фаза, Англија ќе игра против Панама, додека Гана ја очекува дуел со Хрватска.
Ezri Konsa just wipes Adu out 🤯
How was that not given as a penalty?! 😳 pic.twitter.com/HK4Y9SBAqc
— Pro_Football News (@Pro_Football1) June 23, 2026
My boys frustrated the hell out of these English boys 😂 pic.twitter.com/wPGl9eyuZm
— SHAKES • B O Y ™ (@ShaKes_007) June 23, 2026
