Тиери Анри легендарниот француски репрезентативец во свое време беше еден од најдобрите фудбалери во Европа. Стана легенда на Арсенал, со Франција беше светски и европски првак, а покрај Арсенал, Анри играше и за Монако, Јувентус и Барселона.
На прашањето кој е негов најомилен клуб чиј дрес го носел, за иконата на “топчиите“ немаше дилеми:
“Моето срце е во Арсенал и тоа нема никогаш да се промени“, рече Анри, а на прашањето ако може да рангира, односно да каже кој клуб е втор и трет на таа ранг листа, легендарниот напаѓач си кажа.
„Арсенал е на прво место, Арсенал е на второ место и Арсенал е на трето место…“.
Анри за Арсенал одигра 377 натпревари, постигна 288 голови и имаше 93 асистенции.
