Главниот тренер на Баер Леверкузен, Ерик тен Хаг, зборуваше по поразот на својот тим од 1:5 во пријателскиот натпревар против младинскиот тим на Фламенго до 20 години. Натпреварот со црвено-црните беше и деби за холандскиот специјалист како главен тренер на клубот од Леверкузен.
„Резултатот изгледа лошо, но навистина не ми е гајле за резултатите од предсезоната. Никогаш не требаше да изгубиме, но за мене беше поважно да не изгубиме играчи“, го цитираше Билд Тен Хаг.
Единствениот гол за клубот од Леверкузен го постигна 17-годишниот крилен напаѓач Монтрел Кулбриц. Во првото коло од новата сезона во германската Бундеслига, вицешампионите ќе се сретнат со Хофенхајм. Натпреварот ќе се одржи на 23 август.
