По Мароко, Сенегал, Египет, Камерун и Мали, вечерва, Нигерија си ја заврши рутинската работа и го совлада Мозамбик со резултат од 4:0 со што се приклучи во четвртфиналето на Купот на Африканските нации.
Ова беше меч со најмалку драма, и уште од самиот почеток беше јасно дека Нигерија без поголеми проблеми ќе се најде меѓу осумте најдобро. Виктор Осимхен постигна гол во втората минута за водство на Нигерија, но ВАР системот го поништи. Сепак, тоа не ги обесхрабри Нигеријците.
До 25-тата минута тие имаа сигурно водство. Прво, во 20-тата минута, Адемола Лукман постигна гол за водство од 1:0, а пет минути подоцна, Осимхен постигна гол кој конечно беше признат за 2:0, со кои се замина на одмор.
На самиот почеток од вториот дел, Осимхен го постигна вториот гол за 3:0. Мозамбик немаше шанси, ниту да се врати во игра, ниту да направи нешто поопасно, а четвртиот гол го примија во 75-тата минута кога Акор Адамс од Севиља постигна гол за јинечни 4:0.
Нигерија во четвртфиналето на Африканскиот куп на нации ќе игра против Алжир или Демократска Република Конго
