Според информациите кои утрово протекоа од Шпанија, четворица играчи на Реал Мадрид не сакале да патуваат со тимот на едно од гостувањата оваа сезона. Имено, станува збор за натпревар што се одигра во рамките на 27-то коло од Ла Лига во Селта на 6 март.
Реал Мадрид успеа да победи со гол во 95-тата минута со малку тешкотии, а сега се појавија информации за играчите кои не сакале да одат на тој натпревар. Новинарот Пепе Алварез, познат по вестите од Реал Мадрид, објави четири имиња. На списокот на „бунтовници“ биле Раул Асенсио, Дани Карвахал, Камавинга и Алваро Карерас.
Асенсио го одигра целиот натпревар, а Карвахал беше на клупата, додека Камавинка и Карерас не беа во поставата. Не е познато како мадридскиот тим го реши проблемот, но таквите информации предизвикаа бројни и бурни реакции, особено кај навивачите на Реал.
