Се погласни се шпекулациите дека сепак Јирген Клоп ќе седне на клупата на Реал Мадрид.Според информациите што циркулираат во шпанските и меѓународните медиуми, Флорентино Перез и германскиот стручњак се многу блиску до договор што би го довел Клоп на клупата на Реал Мадрид веќе следната сезона.
Се наведува дека општите услови за соработка се веќе договорени и дека двете страни имаат јасно дефинирана визија за иднината на клубот. Флорентино Перез, кој е во последната фаза од својот претседателски мандат, наводно сака да го остави својот последен голем белег во Реал Мадрид.
Токму затоа изборот падна на Јирген Клоп, тренер кој го обележа европскиот фудбал во последните десет години. Според истите извори, планот е Клоп да го преземе тимот во јуни и да започне нова ера за Кралскиот клуб.
Сепак, целата приказна има важна фуснота. Постои само едно сценарио што би можело да го уништи веќе постигнатиот договор.
Станува збор за Алваро Арбелоа, тренерот кој го замени Алонсо и се споменува сè почесто како можно решение за иднината на Реал Мадрид.
Доколку Арбелоа успее да освои голем трофеј до крајот на сезоната и да постигне исклучителен резултат, Флорентино Перез можеби ќе ја преиспита својата одлука.
Во тој случај, би се претпочитала интерна опција пред доаѓањето на големо име однадвор.
sportmedia.mk
© Vecer.mk, правата за текстот се на редакцијата
