logo
logo
logo

Сагата заврши – Салах стави потпис!

Vecer | 11.04.2025

Сагата заврши – Салах стави потпис!

Фото: ФЦ Ливерпул/Твитер

Мохамед Салах потпиша нов договор со Ливерпул, соопштија од клубот. Навивачите на „црвените“ можат да здивнат, бидејќи во својот клуб допрва ќе го имаат својот најдобар играч.

Салах влезе во последните месеци од актуелниот договор со Ливерпул, а шпекулациите велат дека ова би можело да биде крај на престојот на 32-годишниот фудбалер на „Енфилд“, но новиот договор ќе го „заклучи“ најпродуктивниот играч во Премиер лигата. Соработката ќе биде продолжена најмалку две сезони.

Така, сега сите во Ливерпул ќе можат да се фокусираат на последните битки за освојување на титулата во Англија. „Црвените“ се лидери на табелата со 11 бодови пред второпласираниот Арсенал на седум кола до крајот, а Салах е импресивен оваа сезона со неверојатни 27 гола и 17 асистенции.

Египќанецот дојде во Ливерпул во 2017 година.

Оттогаш има освоено една Премиер лига и една Лига на шампиони, а во два наврати е прогласен за најдобар фудбалер во Англија.


sportmedia.mk

© Vecer.mk, правата за текстот се на редакцијата

TailoredCV
logo

Vecer.mk е прв македонски информативен портал, основан во 2004 година.

2004-2025 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2025. Vecer.mk