Стартниот голман на Реал Мадрид, Тибо Куртоа, нема да патува со тимот за утрешниот натпревар на гости против Олимпијакос во Лигата на шампионите, официјално објавија „кралевите“.
Белгискиот голман има проблеми со стомакот и нема да му биде достапен на тренерот Чаби Алонсо, кој исто така има роденден денес.
„По денешниот преглед од страна на медицинските служби на Реал Мадрид, на Тибо Куртоа му е дијагностицирана вирусна гастроинтестинална инфекција. Тој ќе го пропушти патувањето во Атина. Неговата состојба ќе биде следена“, се вели во соопштението на Реал.
Белгискиот голман досега беше стартер на апсолутно секој натпревар за Реал Мадрид. Па со неговото отсуство, украинскиот голман Андриј Лунин, кој сè уште не одиграл ниту една минута оваа сезона, најверојатно ќе игра против Олимпијакос.
