Пари Сен Жермен ужива во предност од три гола над Челзи откако го доби првиот натпревар од осминафиналето на Лигата на шампионите со 5-2. Сепак, тренерот Луис Енрике ги увери своите играчи дека нема да го потценат реваншот во Лондон. Натпреварот на Стемфорд Бриџ се игра денеска во 22 часот.
„Јасно е дека го одигравме само првиот натпревар. Реваншот доаѓа и секогаш е различен. Реваншите се посебни бидејќи можете да бидете елиминирани – тоа е многу комплицирано. Подготвени сме, навикнати сме да играме вакви натпревари и сакаме да се претставиме најдобро што можеме. Овие дополнителни денови за одмор (ПСЖ немаше натпревар од лигата за време на викендот) беа корисни за подготовка за натпреварот и за одмор. Ние сме во последниот дел од лигата и тоа е позитивна работа. Самодовербата е нешто посебно. Она што можам да го кажам е дека во еден натпревар можеш да бидеш подобар или полош, но оваа сезона покажавме дека сме вистински тим – стабилен и способен да игра против секој противник на највисоко ниво“, рече Енрике.
Тој беше запрашан за шпекулациите дека би можел да го превземе Челзи.
„Секогаш е задоволство да се игра против англиски тим бидејќи е на највисоко ниво и можеме да го покажеме нашето ниво и нашите стандарди. Исто беше и минатата година кога игравме против сите англиски тимови, а исто е и оваа година.
Се обидуваме да направиме сè што можеме за повторно да победиме. Имаме многу важен натпревар што доаѓа. Не разбирам што зборуваш и не ме интересира. Не е важно – јас сум тренер на ПСЖ и многу сум среќен што го водам овој голем клуб“.
