Очекувано, Кристијано Роналдо е изоставен од составот на својата земја за пријателските натпревари против двајца од домаќините на претстојното Светско првенство, Мексико и САД, кои ќе се играат овој месец.
Причината е што Роналдо заработи повреда на тетивата на натпреварот на Ал Наср од првенството на Саудиска Арабија против Ал Фајха на 28 февруари. Селекторот на Португалија, Роберто Мартинез, изјави дека Роналдо имал „мала повреда“ во интервју за локалните медиуми оваа недела.
Португалија ќе игра против Мексико на 28 март и против САД на 31 март во Атланта. За време на Светското првенство, кое ќе се одржи во САД, Мексико и Канада помеѓу 11 јуни и 19 јули, „морнарите“ ќе бидат во групата К со Колумбија и Узбекистан. Четвртиот тим ќе биде избран по плејофот помеѓу Нова Каледонија, Јамајка и Демократска Република Конго.
sportmedia.mk
© Vecer.mk, правата за текстот се на редакцијата
