Марко Арнаутовиќ сепак одлучи да дојде во Црвена Звезда. Како што објави „Курир“, австрискиот интернационалец ќе пристигне во Белград во понеделник и тогаш ќе се случи формалното потпишување на договорот.
Договорот ќе биде потпишан на две години, а финансиските детали сè уште не се познати на јавноста.
Но, ако се има предвид дека Рапид Виена му понуди 6.000.000 евра за двегодишен договор пред две недели, тогаш можеме да претпоставиме колку ќе заработи во црвено-белиот дрес.
Секако нема сомнение дека доаѓањето на поранешниот играч на Интер ќе биде најголемото засилување во историјата на српскиот фудбал.
Се наведува дека Арнаутовиќ во претходниот период тренирал со приватен тренер и во Црвена Звезда доаѓа целосно подготвен.
Оваа вест доаѓа како вистинска „бомба“ и пресврт во плановите на Арнаутовиќ, со оглед на тоа што веќе беше најавено дека ќе ја продолжи кариерата во Турција.
Наводно, Анталијаспор му понудил услови што е тешко да се одбијат, но сепак се случил пресврт.
