Вечерва се одиграа уште пет средби од квалификациите за пласман на СП 2026. Се разбира дека сите погледи беа кон “Вембли“ во Лондон каде играа Англија и Албанија, а Томас Тухел го имаше своето деби на клупата на Англичаните.
Очекувано славеа домашните со 2:0, тоа значи дека Германецот имал победничко деби, но искрено неговите избраници не прикажаа којзнае каква спектакуларна игра.
Стрелци на головите беа Луис – Скели во 20.минута, ова за него беше деби гол за Англија, и Хари Кејн во 7.минута, а ова за него беше 70-тиот гол за својата селекција.
Со голот на Левандовски, Полска успеа да слави против Литванија со 1:0.
Во Букурешт селекцијата на БиХ успеа да слави со 0:1 на гостувањето кај Романија. Стрелец беше Гиговиќ во 14.минута. Сепак треба да се каже дека Един Џеко се повреди, првичните информации велат дека станува за скршеница на носот и на полувремето остана во соблекувалната.
РЕЗУЛТАТИ ОД ВЕЧЕРАШНИТЕ МЕЧЕВИ
АНДОРА – ЛЕТОНИЈА 0:1
(/Ситс 58.)
АНГЛИЈА – АЛБАНИЈА 2:0
(Луис – Скели 20.,Кејн 77./)
МАЛТА – ФИНСКА 0:1
(/Антман 38.)
ПОЛСКА – ЛИТВАНИЈА 1:0
(Левандовски 81./)
РОМАНИЈА – БИХ 0:1
(/Гиговиќ 14.)
