По 25 години на чело на лондонски Тотенхем, Даниел Леви го напушти клубот. Веста за заминувањето на претседателот ја потврди и Тотенхем.
„Тотенхем се трансформираше во текот на изминатите 25 години. Во 18 од последните 20 сезони, играше во европски натпреварувања и стана еден од најпрепознатливите европски клубови, со постојани инвестиции во академијата, играчите, инфраструктурата, вклучувајќи нов стадион од светска класа и тренинг центар кој е вистинско уметничко дело. Клубот се натпреварува и на највисоко ниво, уживајќи во успехот на теренот, вклучувајќи го и неодамнешниот триумф во Лигата на Европа“, се вели во соопштението на Тотенхем.
„Како дел од планирањето на наследувањето, клубот назначи голем број луѓе на високи позиции во текот на изминатите неколку месеци. Винај Венкатесам е назначен за извршен директор, Томас Франк е наш нов менаџер, а Мартин Хо е тренер на женскиот тим. Питер Карингтон се приклучи на одборот и ќе ја преземе новата улога на неизвршен директор.“
