Во француски Олимпик Марсеј се случи сериозна драма откако играчот од средниот ред Адриен Рабио и напаѓачот Џонатан Роу се степале по натпреварот против Рен во првото коло од француската Лига 1.
Роу веднаш беше продаден во Болоња, а сега се чини дека и Рабио ќе го напушти клубот во наредните денови.
Фабрицио Романо известува дека Милан контактирал со претставниците на Рабио, но не се водени никакви разговори меѓу клубовите. Романо вели дека разговорите на Олимпик Марсеј со Реал Мадрид за играчот од средниот ред Дани Себаљос се во тек. Марсеј ќе го потпише Себаљос на позајмица со обврска за откуп, а веднаш потоа го праќа Рабио во Милано.
