Она што се најавуваше, сега веќе е и официјално. Како што потврдија од ФИФА, судиите кои ќе ја делат правдата на претстојното Светско клупско првенство во САД (14 јуни – 13 јули), ќе бидат опремени со камери.
Ова ќе биде еден вид на експеримент.
„Судиите на своето тело ќе носат камери како дел од експериментална фаза и тоа со тестовите одобрени од ФИФА. Со ова тие ќе спроведуваат ново правило за борба против губењето на времето, посебно кога тоа го прават голманите“ посочија од ФИФА.
Пјерлуиџи Колина, претседателот на Судискиот комитет на ФИФА, истакна:
“Веруваме дека ова е добра можност да им понудиме на гледачите ново искуство, благодарение на фтографиите направени од перспектива која досега не била понудена“.
