Голманот на Баерн Минхен, Мануел Нојер, го критикуваше голманот на Пари Сен Жермен, Донарума, за повредата на Џамал Мусиала.
„Тоа беше ситуација во која не мора да се влегува така. Беше ризик. Тој беше спремен да го преземе ризикот да го повреди противникот“, рече Нојер.
Повредата не само што предизвика сериозни проблеми за Мусиала во моментов, туку е и на добар пат да го држи надвор од фудбалскиот терен до крајот на оваа година.
„Отидов кај него и му реков: „Не сакаш ли да одиш да го видиш нашиот играч?“ Прашање на почит е да одиш таму и да му посакаш се најдобро. Потоа тој го направи тоа. Фер-плејот е секогаш дел од тоа. Јас би реагирал поинаку“, додаде Нојер.
Според првичните прогнози Мусиала ќе биде надвор од терените пет до шест месеци.
