Фудбалерите на Ал Наср потешко од очекуваното ја совладаа екипата на Ал Фајха со 2:1 и останаа максимални во првенството на Саудиска Арабија. Фудбалерите предводени од Хорхе Жезус се намачија но на крајот успеаја да стигнат до сите три бода во 105-тата минута од натпреварот.
Резултатот го отвори Ремесеиро со гол во 13-тата минута за водство на гостинскиот тим, но Роналдо со гол во 37-та минута го изедначи резултатот. Во второто полувреме домашните фудбалери редеа шанси, но никако не успеваа да го пронајдат патот кон противничкиот гол. Сепак, длабоко во судиското надополнување Кристиано Роналдо го постигна својот 179 гол од пенал во кариерата и му ја донесе победата на својот тим. Исто така вреди да се напомене и дека ова е 952 гол во кариерата на неверојантиот португалец.
Со оваа победа Ал Наср остана максимален со 7 победи од 7 натпревари и се зацврсти на врвот на табелата.
