Долгогодишниот соработник на Жозе Мурињо, Силвино Луро, почина на 67-годишна возраст. Тој беше погребан вчера во Лисабон според исламските обичаи, а Специјалниот со солзи се прости од него.
Во џамијата во Лисабон, Жозе Мурињо со солзи се прости од својот голем пријател и соработник Силвино Лур, кој почина ненадејно на 67-годишна возраст.
Силвино беше погребан во Лисабон според исламските обичаи, а Жозе не ги криеше солзите за загубата на голем пријател.
„Сега плачам, но повторно ќе се смеам. Ќе се смеам многу, ќе зборувам за тебе, ќе се сеќавам на секој момент“, рече Мурињо, додавајќи:
„Ќе бидеш сакан во семејството Мурињо и ќе останеш жив засекогаш. Секогаш ќе ги паметам твоите совети и ќе ги слушам во иднина: „Брате, сè ќе биде во ред“. Почивај во мир“, е пораката на Специјалниот.
Силвино Луро започна да работи со Мурињо во легендарниот тим на Порто. Потоа работеа заедно во Челзи, Интер, Реал Мадрид и Манчестер Јунајтед.
За време на збогувањето во џамијата во Лисабон, Мурињо се потсети и на заедничките победи што ги одбележаа нивните кариери. Од познатиот Порто кој ја изненади Европа со освојувањето на Лигата на шампионите, преку доминацијата со Челзи во Премиер лигата, до беспрекорната тактичка машинерија на Интер и деновите со трофејот во Реал Мадрид и Манчестер Јунајтед – Силвино секогаш беше неколку чекори зад себе, но и неколку секунди пред размислувањето за следниот потег.
Тој особено нагласи дека Луро е повеќе од тренер на голмани. Тој беше столб во соблекувалната, човек од доверба, некој што ја чувствуваше атмосферата во тимот и знаеше кога да го крене гласот, а кога да застане во одбрана на играчите.
Мурињо често нагласуваше дека неговиот тренерски штаб е семејство, а Силвино имаше посебно место во тоа семејство, што беше видливо и во начинот на кој играчите на неговите поранешни клубови се збогуваа со него преку социјалните мрежи.
بُكاء مُدرِّبي جوزيه مورينهو على رَحيل أقرَب أصدِقائه سيلفينو لورو’
José Mourinho crying over the loss of his closest friend, Silvino Louro
José Mourinho a chorar pela perda do seu amigo mais próximo, Silvino Louro
😔💔’ https://t.co/d7oeVNmib2 pic.twitter.com/syKkJN6L4p— ‘مورينهو oprimido 750’ (@Josemourinho53) March 21, 2026
