Тренерот на Фенербахче, Жозе Мурињо изјави дека е задоволен од играта на неговиот тим на натпреварот против Митјиланд, кој заврши 2:2. Турскиот тим е на 24. место во конечниот поредок од главната фаза во Лига Европа и ќе игра во плеј-офот за пласман во осминафиналето.
„Одиме напред и тоа е најважно. Дури и да не се квалификувавме, ќе бев горд на играчите. Треба да се гордеат и навивачите бидејќи во Данска пристигнавме со многу проблеми, но се снајдовме. Од самиот почеток се беше против нас. Тежок е новиот формат на турнирот. Извлечевме лошо реми, а потоа не можевме да ги регистрираме нашите нови засилувања. Не измачуваа повреди и казни. И покрај се покажавме карактер. Против Митјиланд момците завршија одлична работа“, изјави Португалецот.
Фенербахче собра 10 бода и ги надмина Брага и Елфсборг по гол разлика.
