Репрезентацијата на Швајцарија повторно е во самата завршница на еден голем турнир. Синоќа во рамките од осминафиналето совладана е Колумбија по подоброто изведување на пеналите, а сега швајцарците се закажаа дуело со Аргентина.
Како што е тоа вообичаено, Швајцарија во својот состав има огромен број на играчи кои што имаат потекло од други земји. Добро се сеќаваме кога во нејзиниот состав имало по пет шест албанци, дел со потекло од матичната земја, или пак Косово или Македонија.
Овојпат во фокусот е Ардон Јашари во моментов играчот на Милан, кој што има потекло од Македонија поточно од Куманово. Неговото семејство токму од тука се има преселено во Швајцарија каде што во 2002 година во градот Чам е роден Јашари.
Првите фудбалски чекори ги направи во Луцерн, за да по трансферот во Клуб Бриж во Белгија се пресели во големиот Милан.
Јашари заигра релативно доцна за швајцарските селекции и има настап за У21 и за А репрезентацијата. За разлика од некои негови сонародници од оваа богата земја, Јашари никогаш не се двоумел дали да го промени спортскиот пасош и да дојде да игра за Македонија или пак евентуално Албанија, чиј што пасош според информациите на интернет не ни поседува.
