Поранешниот црногорски фудбалски репрезентативец Мирко Вучиниќ би можел да заврши во затвор доколку не ги подмири обврските кон Италија. Вучиниќ се товари за даночно затајување од 13 милиони евра и дека требало да плати данок во Италија за периодот од 2014 до 2017 година, што не го направил.
Обвинителите бараат затворска казна од четири години. Во меѓувреме, неговата одбрана се обидува да докаже дека бил платен во Обединетите Арапски Емирати, а не во Италија. Инаку, тој во последните денови од својата играчка кариера, која заврши пред шест години, настапуваше токму во Емиратите за тимот на Ал Џезира.
Медиумите во Италија тврдат дека конечната одлука ќе биде донесена на 19 октомври.
