Килијан Мбапе не е изненаден од вревата која се крева брзо кога се појавува Реал Мадрид, а особено кога не победува. Француската ѕвезда има огромна верба во работите кои се случуваат и сезоната која тргна добро за „кралевите“.
„Луѓето многу зборуваат кога не победувате, а ние не победивме на последните два натпревари. Игравме навистина лошо, но ќе се вратиме по репрезентативната пауза и ќе бидеме подготвени да го победиме Елче. На крајот на краиштата, ние сме лидери во Ла Лига и сме меѓу првите осум во Лигата на шампионите. Не е совршено, но сите знаеме дека кога работите не одат добро во Реал Мадрид, луѓето многу зборуваат“, вели Мбапе.
„Заедно сме во потрага по освојување на сите титули оваа сезона и нема да отстапиме од нашата желба“, дополни првата ѕвезда на Реал.
