Во екот на летниот преоден рок, јасно е дека ќе има и трансфери, но ќе има и шпекулации. Одамна се знае дека големите клубови понекогаш намерно пуштаат шпекулации со цел да се види како ќе реагираат навивачите за некој нивни евентуален потег или трансфер.
Па така вечерва нова “бомба“ од Истанбул, а таа е дека Галатасарај го посакува голманот на Интер, Јан Зомер кој важи за еден од најдобрите чувари на мрежата во светот. Колку е ова реално, навистина не е јасно.
Од Италија доаѓа информацијата дека Милан би можел да се засили со репрезентативниот напаѓач на Италија, Џанлука Скамака и тоа за 20 до 25 милиони евра што за клубот од Милано секако дека е прифатливо.
Астон Вила се распрашува за Феран Торес, за напаѓачот на Барселона и селекција на Шпанија. Ова е само желба, ако се знае дека самиот играч во неколку наврати истакнал дека е среќен во Барселона.
ФОТО: ФЦ Интер/ФБ
