Откако вчера го продадоа Тајлер Мортон во Лион, англиските шампиони наскоро можеби ќе продадат уште еден млад фудбалер. Имено, Харви Елиот е на мета на германски Лајпциг, кој веќе побарал информации од „црвените“ за статусот на младиот офанзивен играч за врска.
„Атлетик“ објави дека германскиот клуб контактирал со Ливерпул за да разговара за трансферот на играчот од средниот ред. Разговорите сè уште се во почетна фаза.
Се забележува дека „црвените“ го проценија Елиот на повеќе од 50 милиони фунти пред околу еден месец, или 10 милиони фунти помалку доколку им се даде можност да го откупат неговиот договор по една година. Лајпциг верува дека Елиот би бил соодветна замена за Чави Симонс, доколку тој го напушти тимот.
