Дресовите на Рома го привлекуваат вниманието скоро секоја година, но овој кој „римската волчица“ го подготви за новата сезона како трет комплет, остава без зборови. И не случајно, во изборот за најдобар дрес за сезоната 2025/26 кој го направи магазинот „Bleacher Report“, првото место му припадна на овој дрес.
Третиот дрес на Рома за оваа сезона е едноставно прекрасен и вклучува комбинација од популарни елементи што го издвојуваат. Минималистички е, се одликува со елегантна комбинација на бои и ретро лого „ASR“. Зелените нијанси и светлите детали на белата боја се инспирирани од италијанските градини. Природата и историјата се испреплетени во ново уметничко дело.
На второто место во изборот се најде дресот за 75-годишнината на француски Олимпик Лион кој тимот го носеше во последното коло од минатата сезона, а се очекува во него да игра и цела оваа сезона.
На третото место е гостинскиот дрес на шпански Еспањол кој предизвика лавина позитивни реакции кај навивачите ширум светот.
