Поранешниот дефанзивец на италијанската репрезентација Фабио Канаваро пристигна во Ташкент со својот тренерски штаб и денеска треба и официјално да го преземе кормилото на тамошната фудбалска репрезентација. Веста ја потврдија од Фудбалската асоцијација на Узбекистан.
Организацијата објави преговори со Канаваро на 4 октомври. Се очекува тој да ја предводи репрезентацијата на Светското првенство во 2026 година. Последната тренерска позиција на Канаваро беше во Динамо Загреб, од каде што замина во април 2025 година. Тој исто така беше на чело на Удинезе, Беневенто, кинеските клубови Гуангжу и Тјанџин, како и на Ал-Наср од Саудиска Арабија.
Узбекистан ќе учествува на Светското првенство за првпат во својата историја.
