Чарлс Томас, поранешниот американски кошаркар кој во седумдесеттите години играл за Барселона дури 40 години се сметал за мртов но пред неколку денови се појави и му се јавил на поранешниот соиграч од Барса Норман Кармајкл.
75-годишниот Томас преживеа тежок развод и се сокри од светот 40 години, а гласините за смртта отидоа дотаму дека тој загинал во улична пресметка на банди во Њујорк на почетокот на 80-тите години.
„Возев, кога телефонот заѕвони. Се јави жена која ми рече – господине, Чарлс Томас сака да зборува со вас. Мислев дека некој се шегува со мене и одговорив дека ова е лошо смислена шега, затоа што човекот е мртов 40 години. Потоа го чув познат глас – еј, Норман, тука ли си? Се шокирав. Го видов лицето. Прво мислев дека е некој што личи на Томас, но тој ми раскажа многу работи што ги правевме во минатото за да ме убеди“, раскажа Кармајкл.
75-годишниот Томас е во старечки дом во Тексас и ги шокира и своите најблиски кои се помирија со веста за неговата смрт.
sportmedia.mk