Интер направи голем чекор кон враќање на титулата во Милано, а вечерва се приближи уште повеќе до освојување на Скудетото со победата од 3:0 дома против Каљари во првиот натпревар од 33-то коло од Серија А.
Натпреварот беше решен во првите десет минути од второто полувреме, кога Маркус Тирам и Николо Барела го решија прашањето на победникот во временски интервал од само четири минути.
Прво, во 52-та минута, Тирам рутински постигна гол на втората статива по одличниот продор и центаршут од Федерико Димарко, а сè беше решено во 56-та минута кога Барела, во свој стил, ја смести топката во мрежата за 2:0. Уште тогаш беше јасно дека „нероаѕурите“ ќе ја остварат својата трета последователна победа и ќе имаат дури 12 бода повеќе од второпласираниот Наполи, кој ќе се соочи со не лесна задача против Лацио во сабота.
Триумфот беше зачинет со еврогол во судиското продолжение од страна на Пјотр Зиелински во натпревар кој ќе се памети по израмнувањето на рекордот на Димарко по број на асистенции во Серија А, кој го држеше Папа Гомез од Аталанта со 16.
sportmedia.mk
© Vecer.mk, правата за текстот се на редакцијата
