Младата ѕвезда на Барселона, Гави, вчера бил опериран поради повреда на менискусот на десното колено, објавија Каталонците.
Се очекува тој да отсуствува од терените околу пет месеци. По сериозната повреда на истото колено што ја заработи во ноември 2023 година на натпревар против Грузија, тој беше надвор од терените 11 месеци.
„Играчот на првиот тим, Пабло Паес Гавира-Гави, беше подложен на артроскопија за да се санира повредата на внатрешниот менискус. Менискот е зашиен за да се зачува. Се очекува времето за закрепнување да биде околу 4-5 месеци“, напиша Барселона во соопштението.
