Репрезентацијата на Италија синоќа на неверојатен начин успеа да слави на гости кај Израел во рамките од Мундијалските квалификации со конечен резултат од 4:5. Голеадата доживеа „врв“ во последните десетина минути од мечот, кога Распадори најпрво донесе водство за Италија во 81. минута, за да Бастони си постигне автогол во 87. минута, па Перец две минути подоцна изедначи на 4:4. Делириумот се случи во првата минута од продолжението кога Сандро Тонали погоди за конечни 4:5.
Селекторот на Италија, Џенаро Гатузо во свој стил го искоментира овој меч.
„Ова беше тотален хаос. Ова е најлудиот меч откако сум тренер. Но тоа е мој провлем не е на играчите.Ако сакаме да играме на одреден начин, и да постигнуваме резултати, ќе мора да се подобриме“ – изјави Гатузо.
Италија по четири кола има освоено девет бодови и е втора на табелата зад Норвешка која има стопостотен учинок од 12 бода од четири натпревари.
